Babesdun etxebizitzak

Zer da Lugaritz?

Zer da Lugaritz?

Lugaritz bizitza osorako etxebizitza-eredu berri bat da, egoitzen alternatiba, eta egoera, lehentasun eta behar anitzei erantzun berri bat ematen die.

Europako iparraldeko herrialdeen erreferentziazko ereduei buruz urteetan egindako ikerketetan jasotako esperientzietan, ikaskuntzetan eta ebidentzietan oinarritzen da.

Gainera, ezagutza sortzeko gune bat da, ikerketaren esparru batetik abiatuta, Donostia-San Sebastianen testuinguruan, eta ostatu-irtenbide hori pertsonen beharretara eta lehentasunetara nola egokitzen den agerian uztea du helburu.

Lugaritzeko etxebizitzak hiru ardatz nagusitan oinarritzen dira.

• Komunitatearekin konexioa:

Lugaritzen bizi den pertsonak komunitatearekin dituen harremanak eta partaidetza mantendu ahal izango ditu. Ingurunean eskuragarri dauden zerbitzu, baliabide eta prestazio publiko, pribatu eta sozialekiko lotura (gizarte-zerbitzuak, osasun-zentroa, dendak, elkarteak, GKEak, etab.). Pertsonak eskatzen dituen zerbitzu horien guztien kudeaketa erraztuz.

• Erreferentziazko profesionala:

Horretarako, etxebizitzek erreferentziazko profesional baten laguntza dute. Profesional horrek zerbitzuen existentziari eta haien buruzko informazioa ematen du, eta komunitatean dauden zerbitzu, baliabide eta prestazioen koordinazioa bideratzen eta errazten du.

• Diseinua:

Bizitza osorako autonomia eta zaintza sustatzeko pentsatutako diseinu irisgarria, bizilagunen arteko harremanak sustatzen dituzten espazio komunak dituen inguruan.

Nolakoak dira etxebizitzak?

51 etxebizitza:

• Bi edo hiru logela, bi bainugela, guztiz hornitutako sukaldea eta terraza. Irisgarria, mugikortasun libre eta erosoa eta argiztapen naturalekoa ahalbidetzen duena.
• Koloreei eta materialei dagokienez, tonalitateen arteko kontrastea eta bereizketa hartu dira kontuan, ikusmen-arazoak edo dementziaren bat izan dezaketen pertsonen orientazioa errazteko.
• Pertsonak bere altzariekin (sofa, ohea, dekorazioa, etab.) hornitzen du etxebizitza, espazioa bere etxe bihurtzeko.
• Gela nagusia laguntza-maila desberdinak behar dituen pertsonarentzat pentsatuta dago. Gainera, diseinuak kanpoaldeko eta egongelako ikusizko elkarreraginak ahalbidetzen ditu, ohean denbora ematen duten pertsonengan pentsatuta. Bainugela bat du, guztiz hornitua eta logelaren barruan egokituta.
• Bigarren gela zaintzailearentzat da, eta bere bainugela ere badu, erabat hornitua. Bigarren gela horrek etxebizitzara sartzeko bere ate independentea du, ate nagusia ez bezalakoa, intimitate- eta pribatutasun-espazio bat eta atseden-orduak errazteko.

Espazio komunak

Espazio komunak bizilagunek erabiltzeko gune irekiak dira. Horrela, interakzio soziala sustatzen da, non pertsonek komunitatean lotura berriak sortzeko aukera duten, espazioa, esperientziak eta kidetasunak partekatu ahal izateko.

Gainera, pertsonek errutina aktiboa eta atsedena izateko espazioak daude, hala nola:

• Paseatzea ahalbidetzen duten barruko espazioak.
• Erlaxatzeko bankuak.
• Patioak argi naturalarekin.
• Landareak eta dekorazio-elementuak.
• Txokoak

Auzoa

Kanpoko espazioak eta espazio publikoak honako alderdi hauek ditu:

• Plaza erabat irisgarria da, eta bertatik etxebizitzen atari nagusira sartzen da.
• Igogailu publikoek Zarautz etorbidea eta Gurutze kalea lotzen dituzte. Horrela, hobetu eta erraztu egiten da zerbitzu, denda eta guneen hurbiltasuna, adibidez, ospitalea, auzoko farmazia eta dendak edo garraio publikoa.
• Berminghameko kafetegia eta eguneko zentroa plaza berean daude, eta bizitza eta elkarrekintza komunitarioa sortzen duten espazioak izatea ahalbidetzen dute.
• Plazaren eta etxebizitzen inguruan eraikitako pasealekuak, oinez ibiltzeko eta kanpoko jarduera fisikoa ingurune natural batekin kontaktuan egiteko aukera ematen dutenak.

Norentzat dira?

Lugaritzeko etxebizitzak adinekoentzat pentsatuta daude, laguntza eta zaintza beharrak direla-eta, etxebizitza egokitu eta irisgarri berri bat behar dutenak, beren eguneroko bizitza errazten duen ingurune batean.

Horrela, bizitza independentea sustatuz bere bizi-proiektuari jarraipena eman nahi zaio, modu pertsonalizatuan behar diren zainketak antolatzen eta aukeratzen lagunduz. Eta kasu bakoitza kudeatzen duen profesional baten laguntzarekin. Gainera, bizilagunekiko eta komunitatearekiko harreman- eta gizarte-sarean lagundu ahal izango da.

Era berean, Lugaritzeko etxebizitzak laguntza behar duten familiei zuzenduta daude. Halaber, etxebizitza-aukera bat da zaintzaile profesional batekin bizi diren pertsonentzat edo eguneroko bizitza erraztuko duen ingurune bat behar duen beste edozein egoerarentzat.

Laburbilduz, Lugaritz etxebizitza-alternatiba bat da, bizi-modu, -estilo eta -erritmo desberdinak zaintzea bermatzen duena, honako hauetarako:

• Senar-emazteak / Bikotea
• Seme-alaba batekin bizi diren senar-emazteak / den bikotea
• Anai-arrebak
• Lagunak
• Bakarrik bizi den pertsona

Horrela, Lugaritzen bizi diren pertsonek beren bizi-proiektuari jarraipena eman ahal izango diote, beren lehentasun, errutina eta ohiturekin jarraituz eta beren nahiak betez, helburu pertsonalak aukeratuz eta betez.

Nola bizi zaitezke etxebizitza batean?

Lugaritzeko etxebizitzak ezagutu nahi dituzten pertsonak Matia Orienta zerbitzuarekin harremanetan jartzera gonbidatuta daude, informazioa eskatzeko eta balizko bisita bat egiteko.

• 943317123
• matia.orienta@matia.eus