Pertsona ardatz duen arreta-eredua. Koaderno praktikoak. 8. koadernoa. Pertsona ezagutzea eta haren autodeterminazioa babestea. Laguntza- eta adostasun-taldea

Pertsonarentzako arreta-ereduen oinarrizko helburua da arreta pertsonalizatua ematea, eta, horretarako, erabiltzaileek zeregin nagusia izan behar dute, eta, beren gaitasunen eta nahien arabera, arreta-prozesuan parte hartu ahal izan behar dute.

Askotan, adineko pertsonak murriztuta izaten du erabakiak hartzeko gaitasuna, eta laguntza garrantzitsuak behar izaten ditu eguneroko bizitza kudeatzeko. Orduan hartzen du zentzua laguntza-talde batek, pertsonari prozesu horretan laguntzeko.

Laguntza-taldeak pertsonarengan Zerrendatzeko Plangintzaren metodologiari jarraiki sortu eta jarraitzen dira. Plangintza hori desgaitasuna duten pertsonen arretaren esparrutik dator, eta hainbat hamarkadako esperientzia du.

Laguntza-taldeak baliotsuak dira ez bakarrik erabiltzailearentzat, baita zentro edo zerbitzuarentzat ere, arretan eta erabakiak hartzean inplikazio handiena dutenen arteko elkarrizketarako eta adostasunerako espazio bat ahalbidetzen baitute. Horrek komunikazioa eta akordioak errazten ditu, eta segurtasuna eskaintzen du erabakietan, erabakiak nahita eta partekatuta hartzen baitira.

Prozesu horretan, taldeko bideratzailea funtsezkoa da. Metodologia horretan trebatutako profesionala izaten da, eta taldearen martxa ona ahalbidetzen duten trebetasunak izaten ditu.

Koaderno honetan babes- eta adostasun-talde bat zertan datzan, noiz proposatu eta nola osatu azaltzen da.

Elkarbizitza Unitatea – Fraisoro

Metodologia hori gauzatzeko moduari buruzko argibide batzuk ere ematen dira, bai eta hainbat gomendio ere, laguntza- eta adostasun-taldeak ondo funtziona dezan.

Metodologia horrek aukera ematen du pertsonak eta haren inguru hurbilak arreta ematen parte har dezaten, eta nahiko berria da adinekoei arreta emateko orduan, baina, zalantzarik gabe, oso interesgarria da, eta narriadura kognitiboko maila desberdinak dituztenei ere aplikatzen zaie.

Metodologia horrek rol eta zeregin profesional berriak betetzea dakar zentroko profesionalentzat; izan ere, taldean lan egiteko modu berri bat proposatzen du, erabiltzailea eta profesionalak ez diren beste kide batzuk bertan sartzen baitira. Beste erronka bat, profesionalek aldaketa-prozesuan prestakuntza eta laguntza izatea eskatzen duena.