Webinar - Barne®-Hartu Proiektuaren Aurkezpena
Gizarte-bazterketa gero eta arreta handiagoa jasotzen ari da gerontologiaren esparruan. Interes hori zahartze demografikoaren patroiak, egungo ezegonkortasun sozial eta ekonomikoa eta adin-talde horiek gero eta handiagoak diren desberdintasunekiko duten sentikortasuna konbinatzearen eskutik dator.
"Barne (r) hartu: adinekoentzako gizarte inklusibo baterantz" proiektuak zahartzaroko gizarte-bazterketari dimentsio anitzeko lanketa egin nahi izan dio. Helburu orokorra bazterketaren eta zahartzearen inguruko hainbat errealitateren egoeraren eta beharren diagnostikoa egitea izan zen, genero-ikuspegia kontuan hartuta. Zehazki, adineko pertsonen egoera ezagutu nahi du, gizarte-bazterketari buruzko aldagai garrantzitsuei dagokienez, eta Gipuzkoan egoera desberdinetan dauden pertsonak nola zahartzen diren jakin nahi du. Horrez gain, aztertutako errealitateen beharrak identifikatu eta ekintza-proposamenak egingo ditu, bazterketa-prozesuetan arreta eta laguntza emateko formulak identifikatzeko.
