Animalterapia zainketa aringarrietan: esku hartzeko proposamen bat, bizi-amaierako egoeran dauden pertsonei arreta integrala emateko

Bere sorreratik, gizakiak naturarekin eta, bereziki, animaliekin lotura handia duela erakutsi du. Harreman horrek, denborak aurrera egin ahala, ikertzaileen eta profesionalen interesa bereganatu du, eta ebidentzia zientifikoko gorputz zabal bat dago, elkarreragin horrek pertsonen osasunean dituen ondorio onuragarriak babesten dituena.

Era berean, hainbat azterlanek adierazten dute animaliekin jarduteak suspertze eta sendatze prozesuak sustatzen dituela ospitale testuinguruetan, eta, horrez gain, efektu onuragarriak ematen dituela gizabanako osasuntsuen zein gaixotasun akutu eta kronikoak dituzten pertsonen bizi-kalitatean.

Animaliek Lagundutako Terapia (TAA) helburuek zuzendutako esku-hartze bat da, eta animalia bat tratamendu-prozesu baten parte integrala da, tratatutako pertsonen funtzio fisiko, psikosozial, kognitibo eta/edo emozionaletan hobekuntza sustatzea helburu duena. Osasun-zerbitzuetako profesional espezializatu batek zuzenduta, terapiak xede eta helburu espezifikoak ditu gizabanako bakoitzarentzat, haien aurrerapena kontuan hartuta.

Animaliekin lagundutako terapiaren gakoak eta onurak

Horrelako esku-hartzeen inpaktua aztertu duten lanei dagokienez, batez ere txakurrekin lagundutako terapiei dagokienez, bat datoz esatean parte-hartzaileen artean ongizate-sentsazioa handitu dela, eta haien gogo-egoera eta bizi-kalitatea hobetu direla. Horrekin batera, gaineratu behar da tratamendu terapeutiko horrek zentzua eta bizi-asmoa ematen laguntzen duela, eta, gainera, gizarte-bideratzaile gisa balio duela, pazientearen eta osasunaren arteko harremana eraikitzea sustatuz, eta laguntzen ditugun pertsonen, haien senideen eta profesionalen arteko elkarreraginak areagotuz.

Azkenik, animalien laguntasunak min sentsazioak eta antsietate sentimenduak apur bat murrizten dituela ikus daiteke, baita emozio positiboak ere, hala nola alaitasuna, entretenimendua eta umorea.

Garrantzitsua dirudi esku-hartze mota horiek hainbat profesionalen (psikologoak, terapeutak eta hezitzaileak) lankidetzaren bidez inplementatzea, arreta integrala eta pertsona ardatz duen arretaren printzipioetan oinarritutakoa eskaintzeko (pertsonaren errespetua eta balioa, pertsona horren premiekin bat datorren banakako arreta-plana, gizarte-babesa eta bizi-zentzuaren sustapena)..

Emakumeak jaten ematen dio txakurretako bati animaliek lagundutako terapia saioetako batean.

Animalterapia eta zainketa aringarriak, zergatik ez?

"Noiz dator txakurra?" Bermingham Zentroko Zainketa Aringarrien Unitatean asteazken guztietan errepikatzen den galdera da. Egun horretan, jendeak irrikaz itxaroten du Goku edo Eki Muxukan enpresako animalterapia-txakurren bisita, gurekin elkarlanean ari baitira, duela urte gutxi batzuk haiekin egiten ari garen animalterapia-programa baten bidez.

Matia Fundazioaren eta 'La Caixa' Gizarte Ekintzako Gaixotasun Aurreratuak dituzten Pertsonei Arreta Osoa emateko Programaren testuinguruan sortu zen programa hau, arreta ematen diegun pertsonei ahalik eta ongizate psikosozial handiena emateko bide gisa.

Ordubetez, unitate honetan zaintzak jasotzen dituzten pertsonek eta haien senitartekoek aukera izaten dute gure lagun atsegin eta iletsuetako batekin harremanetan egoteko eta honela gaixotasunez eta ospitaleko giroaz pixkat ahazteko.

Behin txakurra unitatera iritsitakoan, bai familiakoek bai egoiliarrek txakurrarekiko elkarrekintzan murgiltzen dira, eta talde-kohesio garrantzitsua eta kideen arteko maitasun eta errespetu giroa sortzen dira. Horrela, animalia lotura eta ulermen iturri bihurtzen da. Parte-hartzaile askoren eta haien zaintzaileen ahotan, espazio horrek ongizate handia ematen du, eta oso bizipen pozgarria da.

Maiz hitz egiten da maskotak (txakurrak, katuak eta baserriko animaliak) zaintzeari buruz bizi izan diren esperientzia pertsonalei buruz. Bizikidetzako une positiboen oroitzapena eta berresperimentazioa sustatzen da, eta hori atsegingarria da kasu askotan pertsona horientzat, haien bizi-historiaren errepasoa bultzatuz.

'Zer ideia ona txakur bat unitatera ekartzea'

'Zorionekoa da hemen egonda esperientzia honetaz gozatu ahal izatea'

Zenbat maitasun eskaintzen dizun txakur honek'

'Txakurren konpainia pertsona askorena baino hobea da'

'Ospitaleen barruan animalientzako guneak sortu beharko lirateke'.

Animalterapia-saioetan errepikatzen ziren esaldietako asko dira hauek, animaliak ere horrelako testuinguruetan laguntzeko prozesuaren parte aktibo gisa txerta daitezkeela sentiaraziz.

Ez dugu ahaztu behar, beren egoeraren ondorioz, biltzeko lekura jaiki eta joan ezin direnak edo mugikortasun murriztua dutenak. Lasai egon zaitezkete. Gokuk bere logeletara bisitak ere egiten ditu, goiza alaitzeko eta solairuko egonaldia eramangarriagoa egiteko.

Kaninoterapia-programan parte hartzen duen pertsona, MuxuKaneko txakurretako batekin batera.

Testu hau lankidetzan aritu diren eta ospitale honetako Zainketa Aringarrien Unitatean eskainitako animaliek lagundutako esku-hartzea jasotzeko esperientzian parte hartzeko interesa agertu duten profesional, senide eta paziente guztiei eskerrak emateko egin da.

Gaian sakondu nahi baduzue, argitaratu berri dugun irakurketa hau uzten dizuegu: "Terapia asistida por animales (TAA) y su Aplicación en contextos hospitalarios: una revisión de la literatura."