23.09.2020
- Inkesta hau "Adinberri" programak finantzatutako Barner Hartu proiektuaren ekintzetako bat da.
- Lurraldeko 1.650 pertsona ingururi egingo zaie.
- Inklusioaren eta zahartzearen inguruko hainbat errealitateren, egoeraren eta beharren diagnostikoa egiteko aukera emango du, genero-ikuspegia kontuan hartuta.
- Emaitzei esker, adineko gipuzkoarrentzako gizarte inklusibo baterantz aurrera egitea ahalbidetuko duten estrategiak planteatu ahal izango dira.
Matia Institutuak, Gipuzkoako Foru Aldundiarekin eta HURKOA Fundazioarekin lankidetzan, "Barner Hartu azterlana" jarri du abian. Proiektu hori Gipuzkoako Foru Aldundiaren Adinberri estrategiaren 2019ko deialdian finantzatu eta hautatu zen.
EKIMEN HONEN helburua da gizarte-politiken planifikatzaileei eta arduradunei informazio zehatza ematea alderdi pertsonalei eta inguruneari buruzko dimentsioei buruz, non Gipuzkoako 60 urteko eta hortik gorako biztanleak bizi diren, adinekoentzako gizarte inklusibo baterantz aurrera egiteko gakoak lortzeko.
IKERKETAREN ZATI GISA, INKESTA BAT EGITEN ARI ZAIE GIPUZKOAKO LURRALDE OSOKO 1.650 pertsonari, ausaz hautatuak izan direnei, eta haien ekarpena funtsezkoa da erakundeek adineko pertsonen gizarteratzearekin lotutako beharrak eta eskaerak ezagutu ahal izan ditzaten eta konponbideak bila ditzaten.
Inkestan familia-sareei, jarrerei, iritziei, etxebizitzari, osasunari eta gizarte-zerbitzuen erabilerari buruzko galderak egiten dira, besteak beste.
Azterlanari buruz:
Gizarte-bazterketa gero eta arreta handiagoa jasotzen ari da gerontologiaren esparruan. Interes hori zahartze demografikoaren patroiak, egoera sozialak eta ekonomikoak duten osasun-ezegonkortasuna (gaur egundu Covid19arekin zerikusia duenak) eta adin-talde horiek gero eta handiagoak diren desberdintasunekiko duten sentikortasuna konbinatzearen eskutik dator.
Proposamen honek bazterkeriari dimentsio anitzetatik heltzen dio, bi profil bereiziz: batetik, adinekoak, zahartzearekin lotutako arrazoiengatik gizarte-bazterketako egoeretan egon daitezkeenak; eta, bestetik, bazterkeriak markatutako bizi-ibilbideak dituzten pertsonak, zahartze-prozesuan daudenak, hala nola gaixotasun mentala duten edo etxerik ez duten pertsonak. Bi kasuetan, zalantzarik gabe, bizi-ibilbide desberdinak markatzen dituen genero-ikuspegia ahaztu gabe. Bi profilak aztertuta, lurraldeko bazterkeriaren eta zahartzearen egoeraren ikuspegi osoagoa lortu ahal izango da, bai eta jarduera-estrategiak sortu ere, adinekoen gizarteratzea sustatzeko.
