26.10.2023
- Matia Institutua eta Gipuzkoako Foru Aldundia elkarlanean ari dira InCARE proiektuaren pilotuan. Proiektu honek Europako finantziazioa du, eta Sendian programaren hobekuntzei heltzen die.
- InCAREri esker, hobekuntza kuantitatiboak identifikatu dira gainkargan, ongizatean eta bizi-kalitatean.
- InCARE ESNren sarietarako hautagaien artean dago, "Research & Evaluation" kategorian.
Ostegun honetan, InCARE pilotuak bilera bat izan du Matiak Bermigham Ospitalean dituen bulegoetan. Bilera horretan, zaintzaileak, udaletako gizarte-langileak, Gipuzkoako Foru Aldundiko profesionalak eta proiektuaren hasieratik gurekin izan diren beste aditu batzuk izan dira.
Topaketak aukera eman digu pilotu honen emaitza nagusiak aurkezteko, baita prozesua nolakoa izan den partekatzeko eta profesionalen eta zaintzaileen parte-hartzeari buruzko esperientziak bertatik bertara ezagutzeko ere.
InCARE proiektuaren helburu Nagusia, Vienako European Centre for Social Welfare Policy and Research-ek koordinatutako proiektua, Europako Batzordearen finantzaketarekin EaSi programaren bidez, pertsonarengan zentratutako epe luzerako arreta-sistemak garatzeko ibilbide-orriaren proposamen bat garatzea da, diseinu parte-hartzaile, berritzaile eta integratu baten bidez, lagundutako pertsonen bizi-kalitatea hobetzeko eta haien familia-zaintzaileei laguntza hobea emateko. Nazioarteko proiektu honek Austrian, Ipar Mazedonian eta Espainian garatzen diren 3 pilotu ditu, azken hori Matia eta Imsersoren arteko lankidetzaren bidez.
Jarduera-esparru horretan, pilotuak SENDIAN programaren garapenean jarri du arreta, Gipuzkoako Foru Aldundiaren ekimen bat, dementzia duten pertsonak zaintzen dituzten senideei laguntza ematen diena.
Pilotuan, administrazioarekin eta gizarte-zerbitzuekin harremanetan, dementzia duen pertsona bat zaintzen duten pertsonek beren zaintza-beharrak aseta ikus ditzaten sustatu nahi izan da, kasuaren kudeaketari laguntza emanez. InCAREk egindako aldaketen ondorioz, hobekuntza kuantitatiboak identifikatu dira gainkargan, ongizatean eta SENDIAN programan parte hartzen duten pertsonen bizi-kalitatean.
Goizean zehar, emaitzez gain, proiektuaren diseinua ikusi ahal izan dugu. Proiektuaren diseinua Aldaketaren Teoriaren metodologiaren bidez sortu zen, eta familia zaintzaileek, profesionalek, administrazioak, boluntariotzak eta ikerketak parte hartu zuten saioetan.
Amaitu aurretik, gizarte-berrikuntzako proiektu honen iraunkortasunerako etorkizuneko urratsei buruzko gogoeta egin dugu.
InCARE ESNren Social Services Awards-etako hautagaien artean
Duela gutxi jakinarazi zen InCARE European Social Networkeko (ESN) Gizarte Zerbitzuen Europako Sarietarako hautagaitzen artean izendatu zela, eta horrek bereziki hunkitzen gaitu, gizarte-zerbitzuen arloan Europak egindako proposamen berritzaile eta arrakastatsuenak aintzatesten dituzten sariak baitira.
Sari hauen 2023ko ediziorako aukeratutako gaia "Pertsona Ardatz duen Arretaren Sustapena" izan da. Sari horien bidez, zainketa-zerbitzuak birpentsatzen ari diren erakundeen eta pertsonen lana aintzatesten da, pertsonarengan zentratutako arreta eskaintzeko, zerbitzuen eta profesionalen artean koordinatuta, pertsonek bizimodu independentea izan dezaten eta beren komunitateetan erabat sartuta egon daitezen.
InCARE proiektuaren pilotua "Research & Eavaluation" kategorian kokatzen da. Zure babesa eman nahi badiguzu, esteka honetan bozkatu dezakezu:
