Erizain baten gutuna COVID19ri

Jaione dut izena, geriatriako erizain espezialista naiz Matia Fundazioan. Urteak daramatzat adineko pertsonei laguntzen osasun-kontuetan.

Urrutitik iritsi zara, ia abisurik gabe. Ez da distantziarik egon zuretzat. Gizarte osoa jopuntuan jarriz hazi eta bidaiatu duzu. Mundua ia gelditzea, mugak ixtea eta milaka pertsona isolatzea lortu duzu.

Hondamena eragin duzu igaro zaren lekuetan. Asko dira zu ikusi gabe sufritu zaituzten pertsonak. Baina, zehazki, talde batekin haserretu zara, adineko pertsonekin. Pertsona adinduak, zauri kronikoak eta iraganeko guduetako orbainak dituztenak, eroso sentitu zara beraiekin. Horrela, pertsona eta familia asko aldi baterako edo behin betiko bereiztea lortu duzu, eta hainbat istorio aurretik eraman dituzu.

Ez geunden zure zain. Harritu egin gaituzu. Nahigabetuta sentitzen gara zure aurrean. Baina beharra ikusita, ez ginen geldirik geratu, eta buruz eta borondatez sartu ginen ondoen ematen zaiguna egitera. Adineko pertsonei eta haien familiei laguntzea.

Antolatu egin ginen. Ekipatu eta protokolo eta lan egiteko modu berriak prestatu eta ikasi genituen. Gure beldurra poltsikoan sartu eta osasun-egoera horretarako bakarrik sortutako solairu estanko berri batean hasi ginen lanean.

Asko izan da egindako ahalegin fisiko eta psikologikoa: norbera babesteko ekipoekin lan egiteko zailtasuna, ia egunero protokoloen aldagarritasuna, informazio-bonbardaketa, presio soziala, gure familiekin egunero etxera itzultzea…

Utz iezadazu esaten, Covid, bakoitzaren zalantzak, egun txarrak, nekea eta egoera pertsonalak alde batera utzita, beti ez baitziren onak, pazientearen eta gainerako taldearen aurrean gure onena eman dugula egunero, profesional eta pertsona gisa. Ezbeharraren aurrean hazi egin garelako.

Gure esentzia eta gure ikuspegi geriatrikoa galdu gabe, jarraitu behar zutenen sendatze eta errehabilitazioan egon gara, eta betiko agurtzen zenaren erosotasunean jarri dugu gure ahalegina.

Eragin duzun erronkaren aurrean, Covid 19, ez da irabazlerik izan, baina esan dezakegu adineko pertsonak txapeldun gisa borrokatu direla.

Gaur egun, harro nago geriatrian izan dudan prestakuntzaz eta esperientziaz, bai eta Matia Fundazioaren Bermingham Ospitaleko ain profesionala den osasun-talde bateko kide izateaz ere.

Azkenik, esan beharra daukat bizipen honetatik, bizipenaz gain, honako hauek eramango ditudala: profesionaltasuna, gizatasuna eta laguntasuna, familiek eta pazienteek bideoetan egiten dituzten irribarreak, gure pazienteek irteteko, bizitzeko eta gozatzeko duten gogoa, bakarrik ez daudela eta kanpoan zain dauzkatela jakiteko gogoa, eta, azkenik, zergatik ez … alta hartu eta korridorea igarotzerakoan jasotako txaloak.